La Vista

今日嚟到尖沙咀近尖東位置天文臺道，食一間墨西哥嘅餐廳。餐廳比較開陽，經過見到覺得幾吸引，所以揀咗。環境昏暗，幾有浪漫情調。水牛雞翼（⭐️⭐️⭐️⭐⭐）呢款雞翼有四件，雞翼唔算好辣，雞翼外皮幾脆，肉質多汁鮮嫩，又唔算話好熱氣。重點就係嗰個藍芝士，藍芝士嘅滋味濃郁，配雞翼係唔錯。烤牛肉扒（⭐️⭐️⭐️⭐⭐）呢款鐵板牛肉份量好多，200幾蚊，好飽。我哋揀咗五成熟，切成一塊塊。個肉質好鮮味，仲有配菜例如蕃茄蔬菜，沙律等等，仲有三款醬可以點。另外有幾塊外皮，用嚟包住餡料，呢碟係重點推介。海鮮意粉 （⭐️⭐️⭐️⭐⭐）少少偏辣但係可以接受，辣味增加咗我哋嘅食慾，想飽肚就可以叫呢個澱粉質。海鮮就有青口兩塊同埋蝦等等。三文魚小食 （⭐️⭐️⭐️⭐⭐）餐前小食就係三文魚，賣相幾靚，份量輕盈，有墨西哥風味。呢個唔係咁貴，大概$60一件。仲有嘢飲組成豐富嘅一餐，整體而言覺得呢間餐廳唔錯，服務都OK又唔係太難搵位，都幾滿足。~~~~~~~ La Vista 尖沙咀天文臺道8號地下1號舖👍環境浪漫 👍寧靜舒適 👍味道濃郁