I am..Bakery

除夕夜經過 I am..Bakery，笫一眼見到呢個焙茶蛋糕即刻心心眼，心諗卷蛋一條$18，而呢個焙茶貴咁多，應該會好好味，點知。。。


🍴芝麻焙茶蛋糕 $30⭐️

1

1

呢個梳乎厘蛋糕有兩個味，伯爵茶同焙茶，焙茶控一定揀焙茶啦，而且坊間又少有，雪咗一晚笫二日食已經唔再鬆軟(前後可以放4日)，不過最令我傷心係一開膠蓋，已經蓋連皮黐埋一齊，首先唔講個蛋糕好唔好食，係人都知個皮係成件蛋糕嘅靈魂，即係香蕉蛋糕、紙包蛋糕無咗最頂最香果塊皮，一定會大打折扣！至於芝麻焙茶，只有塊皮先有芝麻，而焙茶就應該成個蛋糕都有呱，事關我食唔出有焙茶味，只有講唔出嘅茶味，蛋糕口感唔鬆軟但未至於難食，不過唔值呢個價錢！