如此難得嘅機會冇乜幾可，重點係有美食之餘，仲有專業人士揀選唔同類型，口味嘅清酒作完美配搭😍 點都要豪一次！
網上優惠價$998 就可以品嚐11道菜配唔同款式嘅清酒。品酒師帶你進入精彩嘅清酒之旅⋯⋯
獨眼龍生蠔
日本直送生蠔，口感爽脆，入口滑溜至極，以番茜製作醬汁，酸甜而帶出蠔的鮮味。配以大吟釀，米香清新。
英鯛刺身，肉質輕柔，晶凝通透，沾3秒古風醬汁，帶出魚味。竟然配置古代米酒「依根滿開」，少有嘅紅體酒，以梅子浸製，酸度較高。
清酒花雕蝦，以清酒黃酒浸製，蝦刺身吸滿酒香，上層酸酸哋的份子泡，相當有特色！
清酒變化，由濃𨍭淡，有別於一般由淡口開始。
再來有季節性嘅螢光魷魚🦑
「浦霞」好襯海產類動物如魷魚。以杉木桶盛載釀製，清新有米香。來自富山灣的螢光魷魚，配合以牛油炒香的日本蘆筍，珍珠筍，米通，神級配搭，杯底竟然有超驚喜嘅潤腸粒。味道濃郁甘香，配襯返魷魚嘅鮮味～超水準！
法式酸汁炸甘鯛配法國白蘆筍。
甘鯛有魚味，魚皮炸過口感特脆。這個法式酸汁有點酸菜魚嘅麻香味～
「茶草蓬來」純米酒，入口清爽，可以嚐到米嘅酸度。白蘆筍帶甘苦～喉嚨帶點甘涼😋
接着有梅子鴨肝醬。
特別選用以雞蛋殼打造嘅酒杯，工藝級藝術品～先可以完全發揮配置嘅清酒。這款清酒必須釀製三年以上，有杏仁果香，仲對應返菇菌類嘅菜式。
鵝肝醬入口甘香輕盈，迅速溶化於口腔，唔會好鹹，好邪惡絕對會上癮。😍
主菜有黑松露雜菇配慢煮牛肋肉
炒到好香嘅黑松露雜菇夠惹味，牛肋肉柔軟，有油脂香配竹炭鹽簡單又美味。配置嘅係Blanc 有3倍麴，米感厚身清香撲鼻。
「王祿」
接着的清酒經過三年熟成，有濃厚嘅果香米香，全日本只有20個縣可以攞到貨。
三種唔同溫度分別呈現三種唔同口感味道。
一汁三菜
海膽蟹肉伴冷稻庭麵。
甘甜香滑嘅海膽，吃著充滿幸福感😍，鮮味甜味都澎湃！滑溜溜的稻庭麵仲吸滿蟹汁，海鮮味濃郁。以常溫「王祿」來配襯，提升蟹鮮味道。
高菜有點似雪菜，鹹中帶甘香，醃菜灑上芝麻增添香氣。
暖酒要以黑鐵杯盛載，令酒感更加滑，相當奇妙的物理作用！配穴子飯團一絕。加入爽甜菜譜和穴子，米飯香甜。
鯛魚骨粟米湯
好重嘅魚味，係住家feel嘅魚湯！
加入直磨粟米粒，飲慣罐頭粟米湯嘅我感覺好天然。
香蕉果酒配香蕉蛋糕，充沛嘅香蕉味
最後的甜品由這支pairing 的果酒帶出驚喜～
有充沛嘅香蕉味～香蕉蛋糕似蘋果批，餅底有香蕉肉。
今餐太滿足，好長氣寫咗好多字，其實都只係有限描述，一定要親身來體驗吓這趟清酒配對之夜，保證令你畢生難忘～回味極致👍🏻🌟🍽️。
