生菜鯪魚球粥（另＋皮蛋）
粥底綿密濃稠，鯪魚球係手工打製，口感鮮彈，仲有蝦米粒粒，特別又有層次。加上皮蛋同爽脆生菜，味道平衡，食完一碗好飽肚！
美味鮮蝦腸
腸粉薄透滑溜，蝦仁大隻爽甜，豉油唔會過鹹，簡單又好味。
蛋黃鹹肉粽
升級版！糯米軟糯，鹹香可口，蛋黃油潤起沙，豬肉入味，食落有阿嫲嘅味道，真係懷舊。
上湯菜心
菜心嫩綠，湯底清甜冇油膩感，搭粥食真係一流。
熱豆漿
豆香濃郁，口感順滑，甜度適中，最重要係每日新鮮製，唔似市面上啲即飲豆漿。
後生一代接手老店，唔單止傳承咗傳統粥品嘅味道，亦好用心選材同製作。價錢親民，味道一流，無論食粥定其他小食都滿意，絕對會再回頭支持！
