刺身新鮮，主攻三文魚、油甘魚、赤身、甜蝦、赤蝦同帶子。
帶子太細粒，餐廳將佢原粒開咗一半，其實保留原粒，客人都會飽而點少啲
魚類切片厚度都非常平均，剛剛好
鵝肝唔錯，雖然細塊，但係算軟嫩，底下有塊紫菜薄脆加生菜，OK清新
芝士焗扇貝可以不吃
水蜜桃芒果芝士蝦壽司好夾硬嚟。。。
羊架一流👍 樓下果間除咗好爆香料地成口粒粒之外，肉質極乾。而極尚大瀛喜做得非常出色，醃肉輕手，燒得靚色又多汁
乳鴿同樣出色
顏色對版，肉質軟滑，鹹度啱啱好
蒜茸粉絲蒸蟶子偏細隻啲，只係比手指長少少，不過任食就算啦😂肉質都彈，唔會過重蒜
1
芝士醬鰻魚玉子可以接受，飯底改為玉子，冇咁飽肚
鱈魚西京燒出色
唔好睇佢白雪雪，原來已經醃得入味，鹹甜啱啱好，魚肉好滑
時令嘅羊腩煲都有得食 CLS
唔係HEA你，認真一份有四年肉左右，羊腩炆得入味又淋，真係中菜果種羊腩煲味道
鮑汁炆花膠有兩件，相比下就失色好多，因為花膠冇炆到入味，唔知係咪怕佢炆到溶？
1
三文魚籽手卷，其實我都唔太明有乜好食😅 都係鹹味囉。。。唔識欣賞
