因當日我自己一個帶住有老有嫰，已好忙拖住個BB，加拎住個BB車，再加帶住個老人家，藍色恤衫嘅男職員非常有善，有耐性同體諒幫忙，好快幫我安置BB櫈，仲幫我將BB車放喺唔影響其他客人嘅地方。
跟住老人家好“論盡”，笨手笨腳整跌筷子，男職員自己觀察到，唔洗叫佢，佢已經好快手俾過對新嘅筷子俾老人家。
呢d服務真係香港以前劉德華十多年前拍攝嘅「優質服務致勝之道」政府宣傳片level，非常值得一讃👍🏻👍🏻👍🏻👍🏻👍🏻
揀得呢到，上山頂，當然唔少得坐窗口位，個窗口山頂景色就算陰天都冇得輸。
食物全部都係即叫新鮮整。叫咗歌斯拉炸蝦卷，加州卷，胡麻豆腐，同日式炒牛肉，全部我哋都好滿意！！
加上合理嘅價錢，配上山頂景色，好值得‼️‼️‼️ 真心會再encore‼️‼️‼️
