景福餐廳

营业中

休息中

小區嘅魅力就係大件夾抵食，呢間景福餐廳，佢嘅下午茶四十幾蚊就有交易，個份量係兩個女仔食一個餐都飽。我地4個女仔一人一個餐，最後都食唔晒。乾炒牛河炒得好入味，嫩牛肉，微微焦香真係鑊氣十足，醬汁味道濃郁，色香味俱全！楊州炒飯炒飯好有鑊氣，粒粒分明，配料十足，蝦仁，火腿，叉燒同生菜絲等等，食落味道豐富，而且份量好多。廈門炒米甜甜好味道，米粉唔會炒到太乾身，配料類近楊州炒飯，簡單得嚟又有唔同口感味道，正！肉絲炒麵呢個係我好鐘意點嚟食，脆炸麵底，夠晒香口，咬落脆卜卜，表面嘅肉絲配上海量嘅芽菜打個芡，經典好味道。而且呢間餐廳佢嘅凍檸檬茶都幾好飲，超港式。