繼續推介外賣超抵優惠， $388四個人嘅份量都綽綽有餘！！
花膠老雞湯
首先要讚湯頭非常濃郁，亦都冇雞油浮面，雞湯好補，飲落鮮甜，雞件同花膠清楚易見，拎到返屋企可以自己翻熱一下。
上湯老虎蝦伊麵
麵底好多，但同時老虎蝦肉嘅份量亦唔少，大隻得驚人，外殼有預先煎香過，蝦肉爽甜彈牙，稍微撈一撈上湯，伊面滑溜軟身。
廚皇炒飯
米飯炒得分明，一粒粒翠玉瓜，冬菇粒，配上雞蛋絲和香蔥，調味適宜，超香，食咗足足一碗。
菠蘿咕嚕肉
咕嚕肉雖然有少少放涼左，但炸粉唔厚，肉質爽嫩，肥瘦相間，加上酸酸甜甜嘅菠蘿粒，送飯一流。
蒜香雞
份量非常足夠，而且食落相當香口，雞皮油脂唔多，雞肉亦夠嫩滑，雖然蒜粒唔算好出，但亦都可以點上額外配的甜豉油。
$388嘅套餐，有菜、有湯、有飯、有餸，四人食都綽綽有餘，小菜更加有超過10多款可以選擇。
大家快啲去落單啦！！！
