📍整體體驗：抵食+舒服
座位夠闊落，拎配料同斟野飲都好方便。最驚喜係個價錢，五周年優惠價$280（原價$308）已經包埋澳洲和牛、雞煲、蒸海鮮仲要免加一，真係幾抵。
🐔雞煲惹味
一坐低就先食個和風雞煲，啲雞夠入味，食完之後店員會幫手加湯做火鍋湯底！另外送咗個蟲草花烏雞湯，好適合冬天，就咁飲返碗湯都好滿足。
🦪隱藏福利：打卡送海鮮
餐廳仲做緊優惠，我地跟指示like & share咗佢哋專頁，竟然免費送咗盤蒸海鮮！有鮑魚、扇貝、生蠔，款款都幾新鮮，個鮑魚仲好彈牙，呢個福利幾有誠意。
🥩主角和牛有質素
叫咗個澳洲M4-M5和牛，油脂花紋幾靚，輕輕一淥就食得，入口好軟熟，牛味都夠。另外試咗牛白肉，口感爽脆，幾有特色。
🍲總結嚟講
呢個價錢有齊雞煲、和牛、任飲任食，再加埋個蒸海鮮同無限時，成個體驗好滿足，已經約定朋友下次再encore！
1
