點知就中伏
一入去鋪頭都冇坐滿一半
點咗一個黑毛豬套餐同一份西冷牛扒
前菜同飲品都快到，羅宋湯比較淡，冇乜味
但等極都未有主菜
等咗九個字到問佢有未，佢話野食排緊隊
一個鐘到終於到份黑毛豬梅頭扒
外貌呈黑色已經唔討好，塊扒可以窿到吉親我個口
入邊好乾，佢本身有冇配汁，唯有夾埋啲蕃茄一齊食
本身都諗住好一餐唔好一餐算啦
然後吹咗三次，大概等左個半鐘嘅牛扒，喺第三次同我地講原來漏咗單
等左差唔多成個半鐘，真係冇晒心情，我哋最後取消咗份牛扒
侍應態度惡劣，叫我地應該體諒佢咁忙
其實間餐廳夾埋都唔知有冇20張枱
我哋付出左個半鐘其實都已經好有耐性
到買單嘅時候先發現原來一開始就放係枱嘅梳打水原來要$50枝
只能怪自己太大意
食啲咁嘅嘢用咗$400
呢間餐廳絕無下次
