Pokka Café (樂富廣場A區)

隔咗一排(3個月度)去食，餐牌又改哂，冇咗好多種類咖啡，平時飲開嘅咖啡冇哂(eg 滴漏咖啡)。叫個香腸意粉話未有，咁改叫拉麵+漢堡+雞翼餐。食物份量好細好少但碗好大，叉燒拉麵得隻蛋同一塊超細叉燒，另外叫杯咖啡，超級甜。最後埋單發現冇列明明細得總數，要問佢哋print番張有明細嘅單畀我睇，先睇到原來service charge唔係加一，係加12%. 香港食嘢一向都係加一，咁樣靜雞雞加到12%，食物又縮水...總結而言，好失望嘅一餐。