何洪記呢份廈門炒米，米粉條條分明，完全冇炒斷或者黐埋一舊嘅狀況，火喉控制得相當好。其他配菜亦抄得夠香，呢啲係好難做到嘅。白芝麻嘅點綴唔淨止係裝飾咁簡單，佢個香氣完全襯托咗整碟米粉嘅風味層次。
米粉嘅火候恰到好處，帶有輕微嘅鑊氣，但唔會焦燶，呢個需要好好功夫先做到得。
要留意嘅係，呢個版本嘅廈門炒米相對一般茶餐廳，色澤較淡以及較少五柳菜。
去茶餐廳食炒粉麵，其中一個問題係要撞手神，好睇嗰一更師傅嘅手勢。我喺何洪記食過好幾次炒粉麵，水準相對穩定。咁當然，運氣好嘅絕對可以喺茶餐廳食到咁平更好食嘅廈門炒米。
