秋嵐日本料理

喺鰂魚涌返工嘅友人知道我好鍾意食牛舌，佢話佢公司附近開咗間港版檸檬牛舌，呢晚約埋佢嚟食吓😁 平日嘅七點幾嚟到都見到門口有人等緊位，好正我訂咗位，好快有得入座 。我哋一人叫咗一個套餐，套餐包咗主食、茶碗蒸、味噌湯、白飯同啫喱😎

極味厚切牛舌
嚟得呢度必定要食呢個招牌菜，每件牛舌都係極厚切，而且非常粉嫩👅 入口仲帶少少爽彈，仲可以配埋秘製醬汁一齊食。牛舌定食仲配有一份咖喱牛舌，都幾都風味。

極味厚切牛舌

鹽燒油甘魚鮫御膳
有兩大件油甘魚鮫，燒香咗之後，依然保持有油香，油甘魚鮫嘅肉好嫩滑🐟 都幾推介呢一個菜式。我哋仲將白飯升級咗做三文魚籽飯，真係好滿足。

鹽燒油甘魚鮫御膳

飲品
可以用優惠價加配飲品。原味乳酸梳打，味道唔算好甜，帶點酸酸地，配油甘魚餃好正。另外嗌咗一罐零系可樂🥤

嚟呢度食飯都食到日本嘅味道，不過餐廳好有人氣，唔想等好耐先有位，就記得要網上訂座先啦😄

1

23