海底捞火锅

整體感覺唔錯。食物質素幾好，啲肉新鮮、湯底夠味，仲有好多配料揀。服務方面真係幾唔錯，店員好有禮貌又主動，成日幫手加湯、換碟，仲會主動問你需唔需要幫手，感覺好貼心。
不過有啲地方可以改善，例如店內表演同慶生環節啲音樂太大聲，有啲嘈，食飯時唔太舒服，好難傾計，對於想靜靜地食餐飯嘅人可能唔太適合。價錢方面都偏有D貴，兩個人食左2碟牛肉，加1碟魚，3份菜同一D丸，埋單都幾肉赤。總括嚟講，海底撈係一個適合慶祝、聚餐、或者想享受高質服務同火鍋嘅地方，但如果你係想簡單食餐火鍋，可能會覺得性價比唔太高。