晚市有多款二人套餐，價錢都幾親民，人均三百幾蚊就食到和牛！
🥰今次我哋試咗「松」二人前套餐，好豐富。
♡慢煮鴨胸沙律
❥慢煮咗嘅鴨胸非常軟嫩，有別於平時食到嘅煙鴨胸。沙律加咗沙律黑醋好開胃。
♡季節刺身拼盤
❥有三片刺身，三文魚及油甘魚，夠肥美鮮甜。
♡燒肉拼盤
❥嚴選黑毛和牛2種 - 今次食到我至愛嘅和牛三角腹肉，仲有和牛西冷，油花充足均勻分佈，燒到7成熟入口即溶但係又唔會好油膩🥰大愛。
❥濕式熟成和牛1種 & 乾式熟成和牛1種 - 估唔到咁平嘅價錢可以食到熟成和牛，進細緻度分咗兩種唔同嘅熟成方式。熟成嘅部位選咗油脂比較少嘅部位，但係一樣軟嫩唔會靭。
❥雞橫膈膜 - 爽脆可口
❥豚五花 - 半肥瘦嘅豚五花係燒肉嘅最佳豚肉部位，脂香四溢。
❥是日海鮮1種 - 我哋今日食嘅係超級大隻嘅大蝦！成個爐咁長😍啖啖肉又新鮮！
♡蒜片香蔥和牛薄燒
❥廚師燒好先上檯，口感豐富。
♡牛蒡黑豚肉味噌湯
❥好少食日本嘢嘅味噌湯係落豬肉，另有一番風味。
♡海膽和牛煲仔飯
❥佢哋呢度嘅煲仔飯好出名，用料一啲都唔吝嗇，好多和牛粒同埋有四大片鮮甜海膽😍 煲底仲有飯焦。
♡季節雪糕
❥好特別嘅椰子雪糕，咬落去有一絲絲好似椰絲嘅質感。
♡套餐包兩杯無酒精雞尾酒，奇異星球同埋柚子菲士好清新，好啱食燒肉。
2
