八妹雞煲

营业中

休息中

諗住好耐無食過雞煲上網睇下邊間好食，open rice 推薦八妹雞煲講到味道點樣點樣好食。但係食完覺得味道一般，雞無煎過唔入味（本身size又係好細隻，唔知隻雞仔有冇斤半）。雞煲一隻正常價288蚊，之後諗住嗌杯野飲點知一睇凍檸茶40蚊（只係平時茶記size)，蝦滑細細份98蚊，小食皮蛋45蚊隻，仲有醬料收24蚊位，得豉油，蔥，炸蒜同蒜蓉無其他。埋單仲有加一服務（我諗個服務就係拎個雞煲出嚟）係大埔區收呢個價錢仲貴過我係中環食，此店仲只收現金，不收其他支付方式，如果想嗌多啲野食都要㩒定多啲現金去上貢先得。我諗可能仲有人會支持，不過我同老婆就應該唔會再去。