🪩 #北京片皮鴨
肥度啱啱好，一啖咬落去啲皮係非常之甘香
我唔鍾意包粉皮嚟食，
鍾意一啖咬落去油脂豐盈充斥着成個口嘅感覺⋯⋯
當然粉皮熱辣辣亦都係一個好大嘅優點
🪩 #蜜汁叉燒皇
靚嘅梅頭肉，瘦肉帶住少少肥肉
加上口蜜糖，微微燒焦，正👍
🪩 #芝麻醬涼拌雙色鮮淮山
正常淮山食落去係好腍嘅 ，但係呢個咬落去係爽嘅
加埋日式芝麻醬，口味好清新，又可以食到淮山嘅鮮味
🪩 #八寶燉冬瓜盅
每人可以有一大碗，冬瓜湯清甜鮮味
加埋好多配料有菇類、蝦仁、肉碎。。。
飲完一碗，個人真係冇咁燥熱
🪩 #XO醬雲南小翠瓜炒雙蚌鳳片
我本身好鍾意翠玉瓜，鍾意佢嘅脆，
但好多時嫌佢太淡，唔夠入味⋯⋯
但係今次加咗XO醬啱啱好，同埋珊瑚蚌都非常爽口
好容易食吓，食吓就食咗好多🤣
🪩 #竹笙珍菌豆腐煲
竹笙吸晒菌類同埋豆腐嘅湯汁
再加埋絨煲仔上, 味道更加香濃。
令平凡嘅豆腐和菌類加添豐富嘅味道
🪩 #脆皮茶燻雞
肉皮嘅脆口，包住嫩滑嘅雞肉，
嫩滑嘅雞肉內清香嘅茶味，令成個餸更加有層次。
好飽好飽都食咗兩件
🪩 #芝麻糊 芝麻幼細甘香
🪩 #懷舊蓮蓉西米布甸 真係食咗兩啖咋，好滑，
但係真係好Heavy
#服務態度超級好
1
1
