聚喜燒鵝

趁着「秋天三日體驗版」嘅尾聲，我同家人們去咗位於馬鞍山恆安邨商場嘅「聚喜燒鵝」餐廳進食羊腩煲。呢度嘅羊腩煲非常足料，羊腩份量非常多，其他配料都俾得一啲都唔吝嗇。

羊腩煲

$288

而呢度嘅燒味亦都相當好食。燒腩仔皮脆肉嫩，而且肥瘦度適中，相當唔錯。叉燒香氣四溢，令人垂涎三尺，亦都值得推介。呢度雙拼$108 ，都算幾抵食。

#香港美食

$108

其他菜式如椒絲腐乳炒通菜和梅菜扣肉煲都唔錯👍，但係驚喜就冇上述嘅食物咁大啦。

椒絲腐乳炒通菜

2

梅菜扣肉煲

埋單$552，我哋五個人，除返開一人只係一百幾蚊，就食到咁多好嘢食，又食到咁飽，真係夫復何求？

總括嚟講，呢間餐廳雖然位於不起眼嘅屋村，但係其食物質素可以同大酒樓媲美，價錢亦算抵食。推薦大家嚟呢間餐廳試吓，呢度嘅柚子蜜亦都幾好飲㗎。