2
今次帶Ah Bu同Moko去觀塘搵食，bookmark咗好耐，終於去咗 Comfy by Chef’s Stage試吓佢嘅lunch set😋
呢度環境好舒服，一邊設計感十足，另一邊有好多植物嘅園林感覺，超適合打卡影相，朋友或者情侶嚟都啱曬㗎！
Lunch Set:
紐西蘭肉眼扒 $178
肉眼扒用紐西蘭優質牛肉，肉質鮮嫩多汁，煎得恰到好處，表面微焦香，內裏保持柔軟，仲有好豐富嘅配菜，提升整體口感！
1
香焗開心果碎美國豬扒 $178
我覺得呢個係必食推介👍🏻豬扒最大特色係鋪咗一層香脆嘅開心果碎，烤焗至外層金黃，口感層次豐富。豬肉保持濕潤唔乾柴，帶有淡淡果香和堅果的香味，卜卜脆真係好好食😋
焦糖香蕉Oreo曲奇牛角窩夫配Movenpick雪糕 $88
甜品係重點推介！牛角窩夫烤得脆口帶香，配焦糖香蕉，散發出甜蜜香氣。Oreo曲奇碎加添咗口感，Movenpick雪糕仲有幾個味道可以自選，係完美嘅餐後甜品。
期間限定開心果朱古力奶昔 + $25
朱古力味都幾濃郁，帶有鮮明嘅開心果香味，朱古力嘅苦甜味同開心果完美結合，飲落去既健康又滋味，都係必食推介🤩
橙汁 $38
清新醒胃，好適合配餐，令整餐更加平衡😌
整體嚟講，Comfy by Chef’s Stage嘅食物有質素又有特色，味道層次豐富，仲有寵物友善環境，食美食之餘可以同毛孩一齊享受，感覺好Relax。
