1
一齊上樓㩒鐘仔食泰國素菜～
尖沙咀這間泰國菜超神秘，搭上樓的電梯細細部，上到去見到拉晒閘重門深鎖，仲要㩒鐘仔等一陣先有人開門！不過泰國店員都好好人，平日午市套餐有冬陰公湯飲都只係HK$50/位，食到超飽的私房菜亦都只係HK$180/位，而且兩個人就可以預訂，幾神秘都值得試下㗎！
環境有點家居感，簡單陳設沒太花巧，店內亦有賣一些素食產品和調味料之類。
1
平日午市套餐HK$50/位，選擇非常多亦可以加購小食，仲有冬陰公湯和糖水，真係抵食到不行。
1
私房菜 HK$180/位，2位以上就可以預訂，打電話或者whatspp都得，提前一兩日訂就可以。至於私房菜menu就無咩變過，份量偏多一定食得好飽。
素叉燒 / 沙嗲串燒
素叉燒偏軟身，沙嗲醬重花生味幾香口。
九層塔鮮茄百頁豆腐飯 / 海南素雞黃薑飯
午餐份量都幾澎湃，小鳥胃女生可能吃不完。海南素雞有兩款素雞，不過咬落都偏乾身，一定要點醬汁食。
這間泰式私房菜都係唔少素食者私房好去處，平平地又好味可以約幾個朋友去食下㗎。
