呢間店主打竹昇麵，係深水埗著名老字號麵「劉森記」老闆個仔開嘅，咁啱去開土瓜灣就試下佢！
10
對於麵店嘅環境要求唔高，呢間人店座位唔算好迫，但走廊空間不足，某啲座位出入可能要其他食客讓開先至可以出入！
1
🐷✋🏻🥟🦐🍜豬手水餃甫魚蝦子撈麵（$70）
竹昇麵嘅麵條係用人手以竹竿打製，麵條好幼身，入口爽彈，有少少鹼水味，但唔算多，可以接受嘅！蝦子係用果皮、薑炒的頂級斗門蝦子，有一份鹹香味，同個麵好夾！
本身唔好豬手，但店面寫住係「鎮店之寶」，所以都試一試！豬手有淡淡嘅南乳味道，入味，但又唔會好鹹，個汁用嚟撈麵都夾！
水餃味道OK，但size就好似細咗啲！
另外附送一碗湯，湯用大地魚、蝦殼、豬骨煮成，味道清清地，無死鹹！
📝總結：傳統嘅竹昇麵所餘無幾，鍾意食蝦子麵嘅朋友可以嚟試下！（雙併加$8，併豬手加$10，3併就每個$10）
