Plato Cafe & Bistro (吳松街)

餐廳裝修雅致，俾人好舒服嘅感覺，座位都闊落舒服。我哋叫咗一份精選套餐同埋一份兒童餐，份量好足，夠曬飽。煙三文魚凱撒沙律煙三文魚新鮮好味，凱撒沙律啲沙律菜好新鮮脆口，好fresh。龍蝦汁龍蝦意大利飯有好大隻龍蝦，龍蝦肉鮮甜。個意大利飯嘅龍蝦汁整得好出色，好有龍蝦嘅鮮甜味，真係好好食。仲有餐湯、甜品，都幾豐富。西班牙黑毛豬鞍架佢嘅西班牙黑毛豬鞍架好厚，食落去啖啖肉，而且好juicy,肉汁好香。兒童餐兒童餐係用架車去裝住啲食物，有卡邦尼意粉、法蘭克福腸、麥樂雞同埋蘋果汁，好豐富。囡囡話全部都好好食，佢話個麥樂雞炸得好脆，好好味。