白菜豬肉拼孜然羊肉🥟($58)
雙拼餃只限於正宗泰式冬陰功湯($18), 呢度既餃餡料好足, 白菜豬肉餃會食到爽脆既白菜同啖啖肉, 孜然羊肉食落孜然味好濃郁再加埋少少既羊羶味勁正😋 冬陰功湯飲落酸酸辣辣一啲都唔味精辣度又啱啱好, 同啲餃子好夾😍
酒香醉雞翼(+$18)
叫任何主食都可以加$18跟餐有一款小食加飲品, 我地要左酒香醉雞翼同熱豆漿🥛 兩隻肥嘟嘟既雞翼整到入曬味酒香味剛剛好超好食🥰
千層醬豬耳(細)🐷($29)
豬耳份量好多, 千層豬耳食落好爽脆有咬口, 醬汁麻麻辣辣好惹味🤤
呢度既餃子同湯底都幾有驚喜唔怪之得排隊都要食, 想食餃子既時候絕對會再返黎😍 唔想等既朋友可以買外賣或者生餃返屋企自己煮😎
