呢間已經喺銅鑼灣好多年嘅食麻辣嘢嘅舖頭都嚟過幾次 以前多數係食宵夜啲時間去 因為佢開到好夜㗎
朋友話想食麻辣嘢 我就帶佢嚟食呢間～
食辣嘢點少得冷盤！嚟個涼粉先！
份量都幾多下 好爽口
個汁酸酸地 又麻又辣 好開胃
作為開胃小菜一流
嚟得呢度點少得一煲煲嘅餸！
我地叫咗雞煲 好夠麻辣
記得唔好錯過下面墊底嘅配菜
啲青瓜同薯仔越煲越入味 吸哂啲麻辣湯
雞嘅份量都多
呢個火爆牛肉好有驚喜！
佢係炸咗嘅牛柳 除咗辣仲甜甜地 餸飯一流
塊塊牛都好大塊 口感正
叫返碟菜扮健康先
好大碟🤣
有菇同肉一齊炒 勁香口 如果再乾先啲就好喇～
呢度另一樣出名係佢呢個珍寶size嘅嘢飲🤣
叫咗一個檸茶同青檸沙冰～
