翡翠拉麵小籠包

营业中

休息中

朋友食素既，今日帶咗佢去翡翠小籠包專登試一試佢哋嘅新菜式，京醬新肉絲(配薄餅）。呢個京醬新肉絲(配薄餅）係用素肉做嘅，口感同真豬肉真係冇咩大分別，唔同出邊街嘅，佢好食好多，醬汁又濃，不過薄餅嘅皮就比較厚咗少少。椒盬黄金豆腐，炸得好香口，又唔油膩，呢個好好食。紅油抄手（六隻）辣汁另上，由於有個朋友唔係好食得辣，侍應專登將辣汁另上，非常貼心。不過本身紅油抄手比較淡，點都要落少少辣汁先惹味。瑶柱賽螃蟹 ～全碟都係蛋白，配料仲有瑤柱絲同埋蟹肉，蛋白煮得好滑。最鍾意去翡翠小籠包食，因為佢哋冇落味精，食完都唔會特別口渴。