值得一讃，門口貼左張「歡迎導盲犬進入」，即刻加分！！
女侍應好好人，一坐底為全場所有女士送上一柸「摺骨木花梳打」，女侍應話因為好適合女士飲。第一次聽摺骨木花，味道幾清爽好味，好特別！！
鷄泡魚乾，我至愛，好香口，亦有咬口，送酒一流。
之後叫左三文魚壽司，新鮮，色澤靚。蟹子軍艦，紫菜爽口。
燒飯團，燒到好香脆，入面配埋明太子，咸咸地，正！！
「燒鷄翼～～ 我鍾意食～～ 」皮脆有肉汁。
海膽溫泉蛋飯，海膽好新鮮，好足料～
和牛粒串，超正，厚切有咬口，高質素牛，軟硬適中，好好味！！
食物高質素，價錢合理，服務又好，非常滿意嘅一餐！！
