四十一冰室

經常都會去呢間，因為近！同區少有呢類可以「坐」嘅地方。可以扮下偽文青，坐下傾下計,坐幾耐都冇人理！

今次叫皇室三層架，再加個忌廉汁鮮蝦扁意粉。2個大人加2個小朋友。份量都夠。

忌廉鮮蝦意粉有驚喜，忌廉汁夠香濃，鮮蝦大隻又爽口。意粉軟硬適中。唔錯！

皇室三層架就令人有少少失望，只有個炸雞翼值得讚，炸得夠香脆又唔覺油賺，又夠入味！
但啲甜品就越嚟越hea.... 蛋捲又乾又硬！冬甩又係乾爭爭！中間果層仲hea! 個朱古力卷酥唔夠酥。好酥...

最正係杯咖啡！ 紙杯蓋又唔吸實！一拎起倒晒...
淡而冇味。唔知飲緊乜