一豆花

二人前入到嚟，就叫咗個「芝麻糊豆腐花」、「薑汁豆腐花」，同埋六粒燒賣要少辣。

首先嚟咗個芝麻糊豆腐花，正正常常，偏大碗嘅。跟住嚟個燒賣，個服務員攞到埋嚟，跟住就同我哋講「哎呀，廚房唔記得咗落辣油」，於是乎又拎返去廚房加返辣椒油俾我哋。

到燒賣同埋碗芝麻糊豆腐花都差唔多食晒，都未嚟個薑汁豆腐花， check返單，原來佢哋漏咗，唔緊要我哋行出去，都費事話佢漏咗，直接話我哋想加單。可惜最後又落錯單，嚟咗「冰糖豆腐花」，其實當時候成間舖頭只係得5個客，唔知點解咁混亂，咁我哋都冇換啦，是但啦，食完就走。