嗌咗牛肉稻庭烏冬+日式咖喱牛粒飯配日式炒雜菜
包汽水嗰啲 不過我哋揀咗+$3嘅凍奶茶同凍檸茶🍹
我覺得店員服務好好🌟熱情招待 貼心協助客人🌟所以食得幾開心💖
首先上咗兩杯飲品先🍹
等待正餐嘅途中黎咗兩個
🔸迷你麻醬蟹柳沙律
店員話係午餐送嘅沙律🥗
因為QR code網上落單揀午餐嘅時候
冇寫到送沙律~所以已經好驚喜✨
沙律嘅菜好多種類、好新鮮爽口、
尺寸都好貼心 剪成細塊 夾起就係方便嘅一啖
身為小鳥胃又小鳥口嘅女友（我）
好欣賞呢樣嘢覺得廚房師傅花咗心機👏🏻
跟住店員拎咗兩小碟炸物過嚟🍽️
店員話係跟餐餸嘅小食🥢
嘩……未開始食正餐已經開心咗兩轉先
心諗咁多跟餐嘢送 仲要咁好食
🔸是日小食係吉列炸蠔🦪
即炸熱辣辣酥脆 入面嘅蠔香滑軟心🥢
加埋沙律醬香到不得了 仲要大大粒
小鳥口嘅我食每一啖都係「濃重」嘅享受……
下次嚟食會嗌返一份炸蠔慢慢嘆🫶🏻
終於入正題到主食啦！
🔸牛肉稻庭烏冬🍜
一擺上枱啲紋理好靚嘅牛肉多到蓋住晒啲烏冬
（為咗影到啲烏冬攞筷子夾起咗佢可以出鏡🤣）
每塊牛肉都有厚度 有出色味道 有優質口感🥩
男友話似係封門柳 女友我唔識分 淨係知好食🙌🏻
稻庭烏冬口感正就不必多說啦🥢
另外湯底好香
正到我一邊食烏冬一邊飲湯🍜
🔸咖喱牛粒飯🍛配日式炒雜菜🥬
咖喱牛粒嘅量毫不輕手
並不是咖喱裏面有牛粒咁簡單
肉嘅比例多到係牛粒上面有咖喱嘅感覺🥩
每件牛腩方塊都肥瘦適中
軟滑得黎有口感不會膩🥢
咖喱嚟講我覺得係我食過之中比較特濃嘅口味
所以配埋白飯一流🍚
日式炒雜菜雖然係跟餐配埋
用料同做法不馬虎🥬🍄🟫而且係大大碟！
有大量嘅椰菜🥬大量嘅兩款菇🍄🟫🍄🟫
仲有清爽嘅芽菜
啲蔬菜加埋日式醬汁好香口開胃🥢
（女友我覺得有主食嘅話碟菜係二人份量）
1
🧾咁多款美食埋單都只係$128✅
真係feel到間餐廳好有心想做得好💟
午餐食到好飽……下次先再試串燒！🍢
環境都好靚 女友狂影相…📸
用餐好似係限時 不過去到四點冇人等位
所以職員都完全冇催我哋埋單或者離座
可以冇壓力咁慢慢食 女友表示幾放鬆🤍
享受美食令心靈都被治癒嘅感覺~💖
多謝夜燒站。🫶🏻
1
