首先推介佢哋嘅三文魚籽海膽豆腐 ($88) 🥢，豆腐滑到好似入口即化，海膽鮮甜，三文魚籽爆汁，海味層次超豐富😋，一啖落去即刻感受到新鮮食材！
之後叫咗松葉蟹膏甲羅燒 ($98) 🦀，蟹膏烤得好香，蟹味濃郁但唔會膩，配埋蟹肉一齊食真係好正，香氣十足！
牛油果松葉蟹肉軟殼蟹卷 (6件 $138) 🥑🦀，牛油果香滑，軟殼蟹炸得酥脆，飯卷入面仲有松葉蟹肉同蟹籽，鮮甜同香脆一次過滿足晒，分量岩岩好，二人share唔怕唔夠食。
安格斯牛小排 ($58) 🥩，牛肉厚切，肉味濃郁，燒得外脆內嫩，性價比超高，食完都想再叫！
尾聲叫咗個魚湯茶漬飯 ($88) 🍚🐟，魚湯清甜，飯粒吸晒湯汁精華，配埋紫菜同芥末，暖胃又舒服，食完有種幸福感。
最後必試係金目鯛薄切 ($238) 🐟，金目鯛新鮮細膩，薄切口感一流，配柚子醋同蔥花，味道清新，雖然價錢貴啲，但絕對值返晒！
整體嚟講，餐廳環境一流，服務貼心，食材新鮮，師傅手藝勁好，二人晚餐都覺得超滿足🤩。下次一定會再嚟試其他菜式，銅鑼灣想搵高質日本料理，呢度真心推介！✨
