藍莓杏仁慕斯撻（$58）：7cm嘅慕絲撻上係豐盛新鮮透亮嘅藍莓，藍莓堆上有朵白朱古力雕琢而成嘅白色菊花裝飾，非常逼真精緻，一口咬落去，酥脆餅皮包住軟綿杏仁慕斯同酸酸甜甜嘅藍莓醬，每一啖都係幸福，帶嚟視覺、味覺嘅享受。
經典香蕉太妃批（$58）：酥脆嘅tiramisu餅底上面頂住好似高帽般嘅白色輕盈綿滑嘅拖肥慕斯，慕斯外層還灑上薄薄黑朱古力粉，內層還有一條香甜新鮮香蕉，苦澀味同甜味互相平衡，味道啱啱好。
Arte By Padaria甜品唔單只「好睇」得，仲「好食」得，期待下次嘅藝術美食體驗。
1
Arte by Padaria (尖沙咀)
尖沙咀河內道18號K11購物藝術館地下Kiosk 23
