影片
更多
2024-06-09
161 浏览
INN - I’m Not Nothing今次要介紹荔枝角億利工業中心2樓一間西餐廳叫「INN - I’m Not Nothing」，呢間餐廳我上次喺觀塘分店食過，今次經過荔枝角知道佢哋有分店再次上去食返次，今次分店環境無觀塘裝修咁靚，亦有一樣嘢差過觀塘分店，就係寧靜程度，呢間分店一入到去好似去咗酒樓，嘈到拆天，呢間都算少少高級嘅西餐廳，但係食客放飯放到好似小學雞去旅行，唔知講咩好，好想大叫一聲「靜少少好唔好，呢度唔係酒樓」，有時食好西除咗食味道，另外一樣野就係舒適度，好彩好高eq嘅我，無出聲，因為我一出聲，我就會進入辯論狀態，影響自己形象就唔好啦，哈哈！1.蟹肉蟹子忌廉汁意大利粉 配甘筍湯$138+Green tea Latte $21（凍）（原價$42）（9.5/10）呢碟蟹肉蟹子忌廉汁意大利粉個蟹肉蟹子都算多，意大利粉唔會偏硬，忌廉汁都算多，令到意大利粉掛到汁，唔錯唔錯！甘筍湯：好濃稠嘅甘筍湯，飲落好有甘筍味，一粒粒甘筍粒仲食到，飲完仲有一種好清新嘅感覺！Green tea Latte ：呢杯Green tea Latte係無latte嘅咖啡味，不過有好香濃嘅綠茶味，甜到適中，跟
今次要介紹荔枝角億利工業中心2樓一間西餐廳叫「INN - I’m Not Nothing」，呢間餐廳我上次喺觀塘分店食過，今次經過荔枝角知道佢哋有分店再次上去食返次，今次分店環境無觀塘裝修咁靚，亦有一樣嘢差過觀塘分店，就係寧靜程度，呢間分店一入到去好似去咗酒樓，嘈到拆天，呢間都算少少高級嘅西餐廳，但係食客放飯放到好似小學雞去旅行，唔知講咩好，好想大叫一聲「靜少少好唔好，呢度唔係酒樓」，有時食好西除咗食味道，另外一樣野就係舒適度，好彩好高eq嘅我，無出聲，因為我一出聲，我就會進入辯論狀態，影響自己形象就唔好啦，哈哈！
1.蟹肉蟹子忌廉汁意大利粉 配甘筍湯$138+Green tea Latte $21（凍）（原價$42）（9.5/10）
呢碟蟹肉蟹子忌廉汁意大利粉個蟹肉蟹子都算多，意大利粉唔會偏硬，忌廉汁都算多，令到意大利粉掛到汁，唔錯唔錯！
甘筍湯：好濃稠嘅甘筍湯，飲落好有甘筍味，一粒粒甘筍粒仲食到，飲完仲有一種好清新嘅感覺！
Green tea Latte ：呢杯Green tea Latte係無latte嘅咖啡味，不過有好香濃嘅綠茶味，甜到適中，跟餐叫仲有半價添！
2.燒菠蘿芝士牛肉漢堡 配甘筍湯$138+Chocolate $21（凍）（原價$42）（9/10）
呢個燒菠蘿芝士牛肉漢堡入面塊牛肉好厚，食落似手打牛肉，雖然有少少鞋，但好重牛味，燒菠蘿又唔會，好清甜，同芝士生菜牛肉一齊咬感覺好清新，個漢堡包皮邊有少少脆，個包係軟熟，食落唔會吸乾口水，旁邊仲有炸得好脆熱辣辣嘅薯條同好多汁嘅沙律菜，整體好好食！
甘筍湯：好濃稠嘅甘筍湯，飲落好有甘筍味，一粒粒甘筍粒仲食到，飲完仲有一種好清新嘅感覺！
Chocolate：呢杯chocolate飲落似75%嘅朱古力，唔鍾意食苦朱古力嘅你唔好叫呢杯chocolate，會越飲越苦，完全唔甜！
2人總共價錢$350，有加一服務費！
個人口味總評分：9.25/10
@inn.imnotnothing
地址：荔枝角長沙灣道883號億利工業中心2樓203號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#INN #荔枝角 #荔枝角好去處 #荔枝角美食 #億利工業中心 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
