上星期行完維園綵燈會， 路過天后呢間甜品店， 見佢有啲人幫襯，所以入去試下， 點知勁後悔，中哂伏！
叫咗碗熱芝麻糊， 等咗成十幾分鐘先至到，心諗一碗芝麻糊，就咁畢就得，點解會等咁耐？
一摸個碗就知點解！個碗仲熱過入面啲芝麻糊！好明顯係雪櫃拎返啲芝麻糊出嚟，再用微波爐叮返熱佢。
我食咗一啖，內心X咗一聲！ 啲芝麻糊完全冇芝麻味同甜味，係鹹鹹地咁，你合埋眼食的話，完全唔知嗰碗係芝麻糊。
我心諗係咪我錯覺？畀多次機會佢，再食多一啖。嘩！完全唔掂！勁難食！ 咁都畀得人食？好離譜！
最後淨低成碗芝麻糊冇食到，畀咗錢就走......
如果你好憎一個人，想整蠱佢的話，就叫佢嚟食。
