Yadllie Plate 야들리애플래이트 (兆萬中心)

Yadllie Plate 進駐香港好耐，位置方便而且食物種類又多又好食，如果多人聚餐黎呢度食就好啱！除左有必食既炸雞之外，佢仲有個魚介湯鍋，好似瞬間翻到韓國街頭咁～另外呢度既甜品都絕對係必點既！雪冰有好多款口味～食完野嗌翻個share食就夠曬滿足😋   1️⃣半半炸雞（大邱辣醬+蜜味乳酪粉）（$208） 每隻口味既炸雞都有齊雞槌雞胸同埋雞翼既部位，仲配有蕃薯條～辣醬口味唔會太辣，幾熱味，而且醬汁唔會太多，仲keep到炸雞既外皮夠脆。蜜味乳酪粉帶甜甜既芝士香，兩隻味都好好食。  2⃣️魚介湯鍋（$238） 個湯鍋有一串串既魚糕、魚片、魚餅、魚腐，仲有啲菇、油揚、菜、雞蛋、年糕，好豐富，配埋個湯飲，好有韓國街頭感覺🤤  3⃣️芝士蟹子蛋捲（$128） 入面包住左好多蟹籽😍果然係招牌菜之一。  4⃣️八爪魚煎餅（$128） 煎餅邊邊位煎得好香脆，八爪魚份量都多，彈牙，仲有好多韭菜～  5⃣️莫索里拉芝士排骨（$158） 熱熔芝士之後，會有店員幫手將啲芝士包係排骨上面，好正～好多芝士🧀️  6⃣️士多啤梨雪冰（$88） 雪冰入口即溶，磨得細碎，鋪滿切片既士多啤梨賣相一流，另外面頭仲有一球士多啤梨雪糕。雪冰帶奶香，即使