新合記

营业中

休息中

渣華道街市熟食中心有兩檔粥店，我常幫襯另一店鋪，原因簡單就是好評多。日前見飲食頻道介紹此店，所以今日特別給它機會。早上人不多，見餐牌有蘿蔔糕，所以就點了蒸蘿蔔糕；可惜姐姐回應沒有蘿蔔糕，但有薯仔糕，叫我試試，$10兩件，唔啱都只不過十蚊。既然係試新店就試埋新嘢。落單後我足足等咗15分鐘，原來所有糕都要返熱，不是一般粥舖已預熱好，可即時上枱，真係始料不及，早餐時間真的花不起等15分鐘食個糕，想離開之時，姐姐立即攞糕來，冇錯，糕是不夠熱。對於薯仔糕評價：有些食品非在常規餐牌中出現是有道理的。 薯仔糕就是將蘿蔔糕的蘿蔔改為薯仔，味道不討好，有點兒像食蒸薯條。真心不需要花時間等，也可以不試！