.
諗住行過隔離長發睇下譚仔閂門未，點知都係好早閂，睇黎青衣居民都好健康，早睡早起。
.
入長發街市行左個圈，都多野食，不過for takeaway，見到門口有間茶記，照殺～
.
嗌左晚市小菜套餐，一份柚子西檸雞，一份蜜椒薯仔牛仔粒，配飯送湯$65，熱飲加$5，凍飲好似加$8。
.
一上到黎，碟餸比想像中大碟😹西檸雞味道唔錯，檸檬重，第一啖食落係酸啲，啲雞都淋，唔偕。蜜椒薯仔牛仔粒聞落幾香，牛既份量好多！大大碟實食得飽。薯仔冇炸過先，就咁煎炸當然冇咁脆口，但薯仔味好重。牛就嫌佢鹹左啲，最後都食唔哂😖
.
健康啲，加左碟菜，跟餐$14，散嗌$28。
