屯馬開通真的很興奮系列🫶🏻 一直都未去過顯徑，所以試吓去顯徑揾野食😆 係一堆屋村之中搵到一間高質既車仔麵鋪，環境好乾淨，裝修得好企理，坐得好舒服，晚市都唔會好多人💖 佢亦都算係比較新潮，出咗個樽裝奶茶 - 喵奶茶😻 而且店員都好好人好有禮貌🥰
🔸
🍜車仔麵餐套餐(辣齋+手工雲吞+瑞士雞翼+粗麵) 連凍檸茶 $50
既然佢舖頭叫顯徑車仔麵，就當然要食車仔麵啦🤣 好多餸可以選擇，我哋揀咗滋潤雞湯湯底，不過都係有少少辣，我食唔到太辣，但友人好鍾意食辣，所以佢覺得好好食😋 我哋揀咗瑞士汁，非常入味，辣齋索晒湯底啲味，所以好濃好入味，鹹度都適中💯 手工雲吞皮薄餡靚💖 瑞士雞翼都好夠味，而且肉質都好嫩😚
🍲招牌香葱滑蛋叉燒飯 $58
勁大碗，而且賣相好吸引😍 豉油係自己落嘅，所以唔會怕太鹹😆 佢嘅滑蛋真係整得好滑，熟度掌握得好好👍🏻 而且配埋香蔥真係好好食😋 啲叉燒肥瘦都適中，份量都好多🥳
🧋喵奶茶 $22 (跟餐+$16)
呢個係佢哋嘅招牌特色🤩 個樽實在太靚太可愛，好打卡able🫶🏻 而且奶茶真係好有香港特色，口感順滑，味道甘甜🫰🏻
1
2
🔸
味道：★★★★★
環境：★★★★★
服務：★★★★★
衛生：★★★★★
性價比：★★★★★
