我滿心期待因為我本身係一個好鍾意食車仔麵嘅人，咁呀我見佢個價錢其實都適中嘅唔係好貴但一定唔係平。
咁我就嗌咗三餸嘅油麵啦，包括係豬頸肉，牛丸，陳皮魚蛋，然後嗌咗小辣嘅辣汁同埋中辣嘅咖哩汁。點知呀，個麵一嚟到，我第一時間一定飲湯先嘅因為佢車仔麵吖嘛，嘩個湯驚醒咗我呀，因為係淡而無味呀得個辣字，到底佢個廚師知唔知道個湯底係車仔麵嘅靈魂？？豬頸肉都可以冇味㗎，真係世一嘅奇怪，世一嘅難食。
我女朋友就嗌左腩肉，嘩，又韌又痴牙又係無味，初初我以為我哋嘅味覺冇咗啦，原來唔係嘅因為我哋飲咗一罐忌廉係甜架。
真係好心提醒呢一間嘢，車仔麵嘅湯同埋佢啲汁係車仔麵嘅靈魂，如果呢樣嘢都做唔到我建議執咗間鋪去
