我係由開店已經幫襯嘅街坊，今日放工又經過，諗住去買佢哋嘅樽仔雙皮奶。5:00唔算多人，我前邊只有一個顧客正在買炸鮮奶，綠色衫店員撳咗幾十秒都未落到張單，其實都唔係重點，只係嗰幾十秒期間聽到佢話好想去廁所，不過不停有顧客未有機會去。
輪到我，就問佢有冇樽仔雙皮奶，佢竟然呆咗2秒咁望住我，然之後就一輪嘴話中環店先有，呢度都係撞手神。答非所問，於是我再話：係啦，好似喺Menu度消失咗，咁即係有冇呢？佢語氣唔覺有善，話不嬲都係撞手神唔係時時有。於是我再問咁即係啟德店唔再買定係今日賣晒？語氣繼續唔耐煩。客人其實唔需要要聽你由生仔開始講，唔識溝通，唔好做前線！😡
之後我餐牌見到雙皮奶奶茶茶，問佢係咩嚟，你間店鍾意玩fusion創新，客人問多兩句好正常。佢又係眼碌碌眼，好似我唔知問咗咩怪問題，神語氣一啲都唔友善，咁啱有另一店員拎咗杯俾第二個客嘅雙皮奶奶茶出嚟，我直接問嗰位女士係咩嚟。佢就揮吓隻手同個女士講「開俾佢睇開俾佢睇」，一念不耐煩嘅樣子！😡
呢間小店老闆好好人，艱辛期間贏得街坊歡心支持，唔該你呢個唔知乜水嘅店員，唔好同老闆倒米，破壞老闆辛苦建立嘅口碑！😡😡
以上食记乃用户个人意见 , 并不代表OpenRice之观点。
赞好
用餐日期
2025-10-21
等候时间
5 分钟 (堂食)
用餐时段
下午茶
