⭐️澳洲和牛任食套餐（90分鐘），有三種不同的選擇。今次我係食澳洲和牛套餐（$298一位）。呢個套餐包括有是日餐湯，薯條&田園沙律，澳洲和牛脊肉，澳洲燒和牛肉，澳洲和牛冧扒，香草蕃茄牛面肉大通粉，青口辣肉腸大通粉。食物食完可以再添。和牛每次order, 係每款兩件。
幾款和牛都好味。我個人最鍾意⭐️和牛脊肉，牛肉味濃郁，燒嘅熟度剛剛好。
⭐️燒和牛肉，薄切好大塊，肉質好滑好juicy.
⭐️是日餐湯係南瓜湯，好creamy好滑，香濃南瓜味道。
⭐️薯條新鮮炸起，好香口香脆。
⭐️香草蕃茄牛面肉大通粉。通粉好煙靭，軟硬度剛剛好。蕃茄汁味道濃郁，好好味。牛面肉好入味，爽口嫩滑。
⭐️青口辣肉腸大通粉。蕃茄汁少少微辣唔會好辣。，好惹味，好開胃。
呢間餐廳的食物質素好高。餐廳員工服務都好好，好有禮貌。呢個價錢有澳洲和牛任食同高質素嘅用餐環境，好超值，值得推介。
4
4
