築間酸菜魚

午餐酸菜魚套餐 $88酸菜湯味道濃郁，質地濃稠，酸味同辣味都比較重。比較特別嘅係有一啲蒜蓉喺面，所以湯底滲咗蒜蓉味，多左一個層次。魚片爽滑冇骨，質地唔會太腍，唔會係腍到用筷子夾唔起果種。質地唔錯。材料頗豐富，有金菇，雲耳，腐竹，同埋少量薯粉。酸菜唔會太酸，味道溫和。整體唔錯，味道係屬於比較濃烈嘅酸 & 辣果種。雖然我自己就prefer 溫和一d 嘅味道，但呢間嘅味道亦唔會太overpower。另外佢個setting 有d 似太二，都有自助嘅洛神花陳皮茶沖，不過裡面個夾勁難用，要好花氣力先夾到，有少少唔貼心。