富豪坊

营业中

休息中

麗豪酒店最近做緊如來素菜譜，見呢排又真係食好多肉，就決定晚上約埋老爺奶奶一齊去試下食素菜。🍄喺酒店兜兜轉轉咗幾個圈先至搵到呢間餐廳😅🍄門口位幾可愛當日大概6點零就入去食飯，全場幾乎我哋爆曬場咁，安排咗我哋坐窗邊位，可以望到沙田城門河嘅景色。我哋一坐低，好快脆就叫咗四個素菜set，跟住老公又唔想食太素，又加多咗個蒟蒻咕嚕肉。🤪🍄額外叫嘅蒟蒻荔枝咕嚕肉🤣🍄佛光三錦碟（松露素玉帶、茶勳素鵝、鎮江猴頭菇）擺碟好精美，鎮江猴頭菇好好食，好似真係食緊鎮江排骨。🍄如意甜豆素蝦仁🍄窩粑柚子素魚柳唔係講笑，真係好好味，好味到好似真係食緊真魚咁，完全唔知佢係用咩做🙈🍄金湯銀耳燴姚膠🍄植物豬肉扒津白🍄八寶有營炒飯🍄紅棗桂圓萬壽果🍄最後仲送咗我哋一個好出名嘅點心，流沙荔枝球🥰由天光食到天黑，環境好舒適，食得好滿足，原來素菜都可以做到咁精緻同咁好味😋重點係價錢都唔太貴喎，每位都係$238。