紅心麵包西餅最近推出咗超可愛嘅迷你Jelly Cat魔糍蛋糕，小編即刻同大家開箱！👇
紫芋魔糍蛋糕
粉紫色麻糬外皮超吸睛，捏落QQ彈彈，真係「食得又玩得」！
內餡係綿密芋泥仲食到芋頭粒粒，軟滑cream，鬆軟海綿蛋糕，仲有麻糬，層次感超豐富，唔會太甜。$48好抵食！芋頭控必試！
核桃芝士包
麵包軟熟帶少許麥香，核桃粒同芝士粒分布均勻，每啖都係堅果香同鹹香交融～
健康又飽肚，早餐好選擇。
芝士吐司
吐司口感軟熟帶點煙韌，切開有滿滿融化芝士粒，鹹香惹味，翻熱食更邪惡！
開心果千層撻
酥皮好酥脆，蛋漿滑溜，開心果味略嫌偏淡，面層鋪滿果碎，口感豐富～
$16黎講算唔錯。
