1
佢比一般拉麵舖比較寬敞，雖然都有對廚房嘅吧枱位，但亦有卡位，好適合三五知己去食拉麵飲下嘢傾偈，而且餐廳應該唔會趕人走，同一般拉麵舖快食快走嘅感覺唔同。一碗拉麵大概$100-110，係中環區拉麵嚟講唔算貴，我叫咗個招牌嘅No.1拉麵，雖然係餐牌上比較貴嘅一碗拉麵，等咗5-10分鐘，見住廚師用火槍炙燒五花腩，拉麵入面仲有幾片叉燒同兩邊嘅溏心蛋，肉同蛋嘅份量可謂相當慷慨，連紫菜都有幾片。只能夠講啲叉燒真係好香又腍，豬骨湯底非常濃郁，我覺得係我喺香港食過Top 3嘅豬骨湯拉麵。
No.1拉麵 ($115) ★★★★★
值得一提嘅係配菜辣芽菜辣度啱啱好，放啲落本身唔辣嘅拉麵湯令換拉麵味道層次有所提升，令成碗麵更好食。
辣芽菜(隨拉麵附送) ★★★★★
1
店員服務都算親切，上拉麵時有個托盤同附送濕紙巾，亦算貼心，係間我會專程再去食嘅拉麵店。
6
4
8
