悅品酒店既🌟海王盛宴自助晚餐🌟勁豐富，樣樣食少少都夠我哋飽到上心口😉
主角芝士焗波士頓龍蝦🦞蝦頭多膏、厚肉彈牙，芝味爆曬燈😍仲要採用籌號形式任食，唔使出去同人爭🤞🏻
第二主角冰鎮海鮮有鮮味十足既鱈場蟹腳、爆曬膏勁甘香既麵包蟹、超大粒嘅翡翠螺、食得出好新鮮既白蝦 🦐同鮮嫩冇沙、處理得好好既藍青口．．我地已經數唔到encore咗幾多次😆
🐟刺身區有三文魚、鯛魚、阿根廷赤蝦、魷魚、北寄貝、赤貝同吞拿魚，全部都新鮮夠凍又厚切‼️啱晒我哋呢啲海鮮怪❣️
🔥隔離爐端燒仲有鮑魚、扇貝、青口、蝦🦐、七味雞翼、香腸、菠蘿🍍同茄子🍆．．師傅呢頭仲燒緊，轉個頭就俾我哋夾走咗，新鮮出爐熱辣辣，食咗咁多凍嘢，係時候要食返啲熱野👍🏻
原條穀飼肉眼扒🥩牛味濃厚、粉嫩多汁，啱啱好係我哋想要嘅熟度👍🏻👍🏻燒羊鞍切開佢仲係粉紅色，軟嫩唔羶，唔怪得食落咁嫩口😘
🐓熱盤方面，小妹超推皮脆肉滑既炸子雞同蒜香誘人，肥美大隻既焗生蠔同惹味到爆炸嘅辣酒煮花螺．．呢幾款都係一食就停唔到口🤣
🎂甜品方面：除咗有多款蛋糕仔、新鮮生果外 、朱古力噴泉⛲️、雪糕（Haagen Dazs、MOVENPICK、本地品牌CoCoberry.. ）之外，仲可以自製窩夫🧇．．滿足埋自己第二個胃💕
新鮮整好嘅窩夫超級鬆軟、最啱放個雪糕上去一齊食，冰火交融，好食到暈，今日又係大滿足嘅一日😘
🛑The Platter
📍屯門建豐街4號悅品度假酒店•屯門2樓
港鐵屯門站A 出口，步行約3分鐘
