喺德福終於都有間似樣嘅西餐🫣
🎬 黑松露炒西蘭花苗雜菌
向來都鍾意食西蘭花🥦呢度個西蘭花整出嚟嘅軟硬度就好啱我，因為我唔太鍾意食好腍嘅菜👍🏼
帶點松露嘅油香，去除西蘭花嘅草青味😌
𝄢..
🎬 蛋酒吉士布丁
事前無諗過佢會有造型🤭諗住淨係一個布丁㗎咋😂
可以自己注入吉丁醬，布丁口感非常滑溜creamy🍮
飯後甜品可以share食比較好！
𝄢..
🎬 德州燒烤芝士牛肉漢堡
嚟到就緊係要食漢堡喇🍔包身烘到外脆內軟，亦係我比較鍾意嘅口感👍🏼
牛肉保持住少少濕潤感，唔會太乾身！醬汁比較惹味，古古惑惑咁仲收埋咗幾嚿炸洋蔥圈喺入面😆
唔會太腬咁又幾好！
𝄢..
🎬 美式燒烤醬手撕豬肉pizza
一個口味特別少少嘅pizza🍕
佢嘅pizza麵包底比較重，會容易啲食飽😂
1
雖然用咗燒烤醬，但係又唔會重味到好咸，仲用上咗幾塊泰式脆豬皮點綴一下😌
𝄢..
🎬 百福椒鹽豆腐煙燻菠蘿莎莎夾餅
今期佢哋同百福豆腐crossover推出咗唔同嘅菜式🤟🏼
呢個夾餅就係其中之一！
整個夾餅都係脆身，而且都幾清新感，配搭上都幾特別🍍又唔會太重味！
▫️以上食評為個人口味，只供參考▪️
