牛執事 (葵涌廣場)

其實呢度都有好多嘢食嘅選擇，有啲眼花撩亂，最後決定咗食佢哋嘅「和牛漢堡串」、「千層和牛」同埋「經典和牛」。和牛漢堡好好味，每一啖咬落去都好刺激到味蕾， 除咗和牛，佢連個麵包，同埋青瓜生菜都好新鮮，十分享受😋。佢哋做緊優惠，買五送一，所以我哋另外再叫咗四串和牛串燒。「經典」對比「千層」，我哋就鍾意千層多啲，一片片嘅口感食落去好似再入味啲。要讚吓佢哋個燒汁真係煮得好好👍🏻。另外想讚吓佢哋嘅服務，個個服務員都好有禮貌，好有笑容，好有誠意，令到顧客都食得開心啲。