🌟冷盤：
🦐海鮮
各款凍海鮮都有，包括爆膏龍蝦、長腳蟹、青口、大蝦、鮑魚等，仲有日式刺身，如三文魚、油甘魚、吞拿魚、八爪魚等，完全滿足你的海鮮魂💯
前菜及沙律：除冷盤海鮮，仲有沙律吧、水牛芝士蕃茄沙律、煙三文魚、cold cuts、油漬蕃茄乾、麻辣牛展、巴馬火腿及各款芝士等，各式其適。
🌟熱葷：
超豐富的熱葷，平時見到的會有，連平時無見到的都有！真正多款式！
例如蒸魚、大蒜香草烤羊架、海南雞飯、燒大蝦、咖喱、車仔麵、和牛可樂、巴東牛肉、烤牛肉等等，連花雕酒蒸遠海梭子蟹、燒豬腩仔、東坡肉都有！
🐑其中烤羊架味道調味剛好，而且軟腍入味，嗜羊人士不可錯過！
🦀花雕酒蒸遠海梭子蟹，蟹好入味，又有膏，淡淡花雕香味，蟹味更鮮💫
🦞奶油芝士焗加拿大龍蝦，憑票每人一份的特別菜式，啖啖肉的加拿大龍蝦，加上奶油芝士焗，好惹味😋
🌟甜品：
應該係我食過最多甜品的自助餐，除咗水果外，仲有大量甜品：
雜莓芝士蛋糕、提拉米蘇、泰式奶茶布甸、拿破崙餅、斑斕戚風蛋糕、麵包布甸等等，甜品控一定超開心
仲有一定必食就係雪糕，超大型雪糕轉盤，味道超多，必食！
🌟餐廳還有很窩心安排，很值得讚賞👍🏻
1. 餐廳設有兒童玩樂區，提供一個舒適空間比小朋友去玩，超窩心，大小朋友都可以輕鬆享受美食
2. 餐廳是寵物友善餐廳，毛孩可以同主人一齊安座戶外區，享受自助餐美食。
每個月都有不同優惠，超抵食👍🏻
