一遊

营业中

休息中

同班好姊妹去食好嘢餐廳好有日本居酒屋氣氛，座位濶落，跟朋友把酒談心，十分愜意，我哋點咗： 🌟 善水Sake特別純米酒酒用冰壼裝著，夠晒冰涼，氣味清香，入口順喉，甜甜哋，非常容易入口🌟 刺身盛合五點大大盤刺身，擺盤賞心悅目。刺身包括帶子、牡丹蝦 、赤貝、中拖羅、油甘魚，刺身厚切，好新鮮，食得好滿足🤤🌟 海膽吞拿魚壽司壽司餡料豐富，有火炙吞拿魚、吞拿魚蓉、仲有海膽，新鮮味美🌟 喜魚天婦羅新鮮熱辣上枱，喜魚有薄薄粉漿炸得好香脆，魚肉質地紮實鮮甜，🌟 炸雞香蔥汁炸雞炸得好香脆，配上香蔥汁同芝麻，好香口另有沙律菜作伴碟🌟 蕃茄海鮮食燒炊海鮮湯材料豐富，有蝦、蜆、魷魚、豆腐，湯有鮮甜嘅海鮮味同濃郁嘅蕃茄味，蝦好大隻，蜆脹卜卜鮮味十足，海鮮同湯都好好味🌟 上湯櫻花蝦豆腐豆腐輕輕炸過，入面滑捋捋，配上木魚絲、櫻花蝦同上湯🌟 雞肉明太子串燒串燒雞肉，加上明太子沙律醬雞肉外面香口，裏面鮮嫩🌟 牛肉靈芝菇串燒牛肉包着靈芝菇，燒得很香口 🌟 海膽海鮮炒飯炒飯有魷魚，帶子，脆玉笟粒及雞蛋等材料 再加上海膽， 🍹 海鹽荔枝梳打 荔枝味梳打唔會好甜，有椰果，味道清新🍹 巨峰乳酸梳打巨峰提子味濃，再加上乳酸，味道不錯