○de▽ 鯛白湯らーめん (電氣道)

营业中

休息中

接阿媽放工嗰陣經開呢間拉麵小店！就決定give it a try!! 試完之後我同媽咪都一致好評!! 雖然選擇唔多，但係quality 係滿分💯！而且超有儀式感添！而且店員都好親切，媽咪仲同佢傾咗好耐計🤣📍鯛白湯係超有層次感嘅湯底！我同媽咪本身都唔太鍾意食魚，有啲抗拒魚腥味。但係食完今餐就改觀咗！個湯底濃厚鮮甜得來又唔會有腥味！而且側邊仲有柚子醬去中和口感！我哋係食到一半再加柚子醬，食到兩款Texture ，而且兩個都係勁好食！📍鯛沾麵雖然鯛白湯都好好食，但係呢個沾麵係更上一層樓！店員擺到嚟嗰陣簡直係仙氣飄飄，完全fit晒我呢啲港女嘅儀式感! 加上個面嘅質感好正，夠晒彈牙！最推介嘅就係佢個湯底！食晒啲面之後可以加湯落去！咁就可以食到濃啲，同埋淡啲嘅兩種口感！